去邊到放iPhone好?

去邊放iPhone 好？ 

1. Apple Store 專門店門口

今次 iPhone SE 主要是賺信用卡回贈或迎新禮品，特地去先達放機隨時要倒貼車費。放機人士可能到 Apple Store 門外「搏一搏」，隨時有意外收穫。Apple Store 專門店門外及附近地段有不少國內、國外和本地「收機佬」即場收機。Apple Store 專門店門外，更不時會有國內旅客想即場買機，如果炒家遇上這些心急「散客」，放機價隨時可以比先達高幾百元呢！

2. 先達中心

如果唔想在街上交易放機，又或者遇唔到好價放售，去先達都可以話係「正路」。不過先達收機店舖超多，不論地下、一樓及二樓都有店舖舉牌收機，究竟去邊間放機有著數？老實說，先達收機價都頗為「海鮮」，主要都係睇舖頭當日的收機目標已否已達到。未收夠，自己開價進取；收夠機又或者現金不足，自然開「賤價」回收。想知道邊間先達舖開最高回收價，可以話係每小時都唔同，放機人士真係要行完地下，再上一層甚至一兩層問多幾間。小編大多數在一樓放機，價錢應會比地下高。

3. 面交放機要小心

除先達之外，不少收機佬都會走上各大討論區、Facebook 群組或專頁，表明有意收機。想放機的人，可以私下聯絡收機佬，再自己相約地點面對面交收。這個放機方法有風險嗎？其實等同網上 bid 物品又或私下網購，當面交收時大家都要清楚點收貨品及現金，一手交錢一手交貨是常識。不過提提大家，最近港鐵嚴打乘客於港鐵站大堂內進行商業活動，想「唔出閘」交收，要注意喇！

來源：ezone.hk